.png) |
|||
|---|---|---|---|
| Ads | |||
|
ຫຼວງພະບາງ ເມືອງມໍລະດົກໂລກຂອງລາວ ປາຍທາງ ຂອງນັກທ່ອງທ່ຽວ ທີ່ມາທ່ຽວລາວ |
|||
|
ສຸກ, ວັນທີ 10 ມິຖຸນາ 2016, ເວລາ 16:00  ຫຼວງພະບາງ ເປັນເມືອງເອກຂອງ ແຂວງຫຼວງພະບາງ ປະເທດລາວ ຕັ້ງຢູ່ທາງພາກເໜືອຂອງປະເທດ, ຕົວເມືອງຕັ້ງຢູ່ແຄມຝັ່ງແມ່ນໍ້າຂອງ ແລະ ແມ່ນໍ້າຄານ ທີ່ໄດ້ໄຫຼມາພົບພໍ້ກັນ. ເປັນເມືອງທີ່ອົງການ ຢູເນັສໂກ (UNESCO) ໄດ້ຍົກຍ້ອງໃຫ້ເປັນມໍລະດົກໂລກອີກດ້ວຍ.  ຫຼວງພະບາງເປັນເມືອງເກົ່າແກ່ຂອງອານາຈັກລາວລ້ານຊ້າງ ຕັ້ງແຕ່ສະໄໝສະຖາປະນາອານາຈັກລາວລ້ານຊ້າງ ເຊິ່ງແຕ່ກ່ອນນັ້ນມີຊື່ວ່າ “ເມືອງຊວາ” ແລະ ເມື່ອ ພ.ສ 1300 ຂຸນລໍ ເຊິ່ງຖືວ່າເປັນປະຖົມມະກະສັດຂອງອານາຈັກລາວໃນແຕ່ກ່ອນ ໄດ້ສ້າງຕັ້ງເມືອງຊວາ ເປັນລາຊະທາ ນີຂອງອານາຈັກລາວລ້ານຊ້າງ ແລະ ໄດ້ປ່ຽນຊື່ໃໝ່ວ່າ “ຊຽງທອງ”.  ເມື່ອເຈົ້າຟ້າງຸ່ມ (ພ.ສ 1896 – ພ.ສ 1916) ໄດ້ສະເດັດກັບມາຈາກກໍາປູເຈຍ ອັນເນື່ອງມາຈາກພະອົງ ແລະ ພະບິດາຕ້ອງໄດ້ລີ້ໄພ ເພາະໄດ້ຖືກຂັບໄລ່ຈາກກະສັດອົງກ່ອນ ເຈົ້າຟ້າງຸ່ມໄດ້ຮວບຮວມກຳລັງໃນຂະນະທີ່ຢູ່ທີ່ສຽມຫຼຽບ ແລະ ນຳທັບນັບເປັນພັນກຳລັງ ເພື່ອກອບກູ້ລາ ຊະບັນລັງກັບຄືນ ແລະ ໄດ້ສະຖາປະນາລາຊະອານາຈັກລາວລ້ານຊ້າງຂຶ້ນ ຕໍ່ມາໃນສະໄໝພະເຈົ້າໂພທິສາລະລາດ ພະອົງໄດ້ໄດ້ອັນເຊີນພະບາງ ເຊິ່ງແຕ່ກ່ອນປະດິດສັນຖານຢູ່ທີ່ເມືອງວຽງຄໍາ ຂຶ້ນມາປະດິດສັນຖານຢູ່ທີ່ເມືອງຊຽງທອງອັນເປັນນະຄອນຫຼວງຂອງອານາຈັກລາວລ້ານຊ້າງໃນສະ  ຫຼວງພະບາງໄດ້ຮັບການຂຶ້ນທະບຽນໃຫ້ເປັນມໍລະດົກໂລກດ້ວຍເຫດຜົນຄື: ມີວັດວາອາຮາມເກົ່າແກ່ເປັນຈໍານວນຫຼວງຫຼາຍ, ມີບ້ານເຮືອນ ອັນເປັເອກະລັກໂຄໂລນຽວສະໄຕລ, ຕົວເມືອງຕັ້ງຢູ່ແຄມແມ່ນໍ້າຂອງ ແລະ ນໍ້າຄານ ທີ່ໄດ້ໄຫຼມາພົບພໍ້ກັນ ພ້ອມເຮັດໃຫ້ເກີດພາບທຳ ມະຊາດທີ່ສວຍສົດງົດງາມ ແລະ ຊາວເມືອງຫຼວງພະບາງທີ່ມີບຸກຄະລິກທີ່ຍິ້ມແຍ້ມແຈ່ມໃສ, ເວົ້າຈາມ່ວນອອນຊອນ, ເປັນມິດ ແລະ ມີທຳນຽມ ຮີດຄອງປະເພນີທີ່ສວຍງາມຕັ້ງແຕ່ອະດີດ ຈົນເຖິງປະຈຸບັນ.  ຫຼວງພະບາງມີແຫຼ່ງທ່ອງທ່ຽວທັງທາງດ້ານທຳມະຊາດ ແລະ ປະຫວັດສາດ. ບັນດາແຫຼ່ງທ່ອງທ່ຽວທາງມະຊາດທີ່ໄດ້ຮັບຄວາມນິຍົມປະກອບມີ: ນໍ້າຕົກຕາດກວາງຊີ ແລະ ຖໍ້າປາກອູ, ກິດຈະກຳຂີ່ຊ້າງໄປຢ້ຽມຊົມສະຖານທີ່ບາງແຫ່ງ, ພູສີ ເຊິ່ງຢູ່ໃຈກາງຂອງຕົວເມືອງ ທີ່ສາມາດແນມ ເຫັນທິວທັດຂອງຕົວເມືອງ ແລະ ແມ່ນໍ້າອີກດ້ວຍ.  ນອກນັ້ນ ຍັງມີຫຼາກຫຼາຍສະຖານທີ່ໃຫ້ເບິ່ງດວງອາທິດຕົກດິນ. ຢູ່ທີ່ສຸດທາງຂອງຫົນທາງຂອງຕົວເມືອງຫຼວງພະບາງແມ່ນຕະຫຼາດມືດ ທີ່ຂາຍ ຫຼາກຫຼາຍສິນຄ້າ ບໍ່ວ່າຈະເປັນເສື້ອຜ້າ, ປະລັກແຂນ ແລະ ຂອງຝາກຕ່າງໆ. ພະລາຊະວັງຫຼວງພະບາງ ແລະ ວັດຊຽງທອງ ເປັນສະຖານທີ່ທ່ອງທ່ຽວ ທາງດ້ານປະຫວັດສາດທີ່ມີສື່ສຽງທີ່ສຸດ. ນອກນັ້ນ ໃນຕອນເຊົ້າຂອງແຕ່ລະມື້ ຄູບາໄດ້ອອກມາບິນພະບາດຕາມຖະໜົນຂອງຫຼວງພະບາງ ເຊິ່ງເປັນ ພາບທີ່ຄຸ້ນຕາສຳລັບຫຼາຍຄົນ. 
ທີ່ມາ: Wikipedia
|
|||
 |
|||
"ສະບາຍດີອາຊຽນ" |
|||
