ຮາລອງເບ! ອ່າວທີ່ສວຍງາມ ທີ່ທ່ານບໍ່ຄວນພາດເມື່ອມາຫວຽດນາມ


	ໜ້າຫຼັກ ທ່ອງທ່ຽວລາວ ພາກເໜືອ ພາກກາງ ພາກໃຕ້ ທ່ຽວອາຊຽນ ທ່ຽວໄທ ທ່ຽວຫວຽດນາມ ທ່ຽວກຳປູເຈຍ ທ່ຽວມຽນມາ ທ່ຽວສິງກະໂປ ທ່ຽວມາເລເຊຍ ທ່ຽວຟີລິບປິນ ທ່ຽວອິນໂດເນເຊຍ ທ່ຽວບຼູໄນ ຮູ້ອາຊຽນ ທົວ ເວັບບອດ ກ່ຽວກັບພວກເຮົາ	Ads
	Home ASEAN Travel Vietnam ຮາລອງເບ! ອ່າວທີ່ສວຍງາມ ທີ່ທ່ານບໍ່ຄວນພາດເມື່ອມາຫວຽດນາມ

	ອາທິດ, ວັນທີ 19 ມິຖຸນາ 2016, ເວລາ 15:10 ພາບຈາກ: hellovietnamtravel ອ່າວຮາລ່ອງ (ຫວຽດນາມ : Vinh Ha Long) ເປັນອ່າວແຫ່ງໜຶ່ງໃນພື້ນທີ່ຂອງອ່າວຕັງເກ໋ຍ ທາງຕອນເໜືອຂອງປະເທດຫວຽດນາມ ໃກ້ຊາຍ ແດນຕິດຕໍ່ກັບປະເທດຈີນມີພື້ນທີ່ທັງໝົດ 1.500 Km2 ແລະ ມີຊາຍຝັ່ງຍາວ 120 Km ຢູ່ຫ່າງຈາກກຸງຮານຢູໄປທາງຕາເວັນອອກ 170 Km ຊື່ຕາມ ການອອກສຽງໃນພາສາຫວຽດນາມຂຽນວ່າ “Vinh Ha Long” ໝາຍເຖິງ “ອ່າວແຫ່ງມັງກອນຜູ້ດຳດິ່ງ”. ພາບຈາກ: ngexplore ໃນອ່າວຮາລ່ອງມີເກາະຫີນປູນຈຳນວນ 1,969 ເກາະໄດ້ພົ້ນຂຶ້ນມາຈາກພື້ນຜິວທະເລ ເທິງຍອດຂອງແຕ່ລະເກາະມີຕົ້ນໄມ້ຂຶ້ນຢູ່ຢ່າງໜາແໜ້ນ ຫຼາຍເກາະມີຖ້ຳຂະໜາດໃຫຍ່ຢູ່ພາຍໃນ ຖ້ຳທີ່ໃຫຍ່ທີ່ສຸດໃນບໍລິເວນອ່າວຄື ຖ້ຳເສົາໄມ້ ຫຼື ຊື່ ເດີມວ່າ (Grotte des Merveilles) ເຊິ່ງຖໍ້ານີ້ຖືກຕັ້ງຊື່ ໂດຍນັກທ່ອງທ່ຽວຊາວຝຣັ່ງເສດທີ່ເຂົ້າມາຢ້ຽມຊົມອ່າວເມື່ອທ້າຍຄິດສັກກະລາດທີ່ 19 ພາຍໃນຖ້ຳປະກອບດ້ວຍໂພ້ງກວ້າງ3ໂພ້ງມີຫີນງອກ ແລະ ຫີນ ຍ້ອຍຂະໜາດໃຫຍ່ຈຳນວນຫຼາຍ ເກາະທີ່ມີຂະໜາດໃຫຍ່ທີ່ສຸດໃນບໍລິເວນອ່າວ 2 ເກາະ ເຊິ່ງທັງສອງເກາະນີ້ມີຄົນຕັ້ງຖິ່ນຖານຢູ່ຢ່າງຖາວອນເທິງ ເກາະ ມີໂຮງແຮມ ແລະ ຊາຍຮາດຈຳນວນຫຼາຍທີ່ໃຫ້ບໍລິການແກ່ນັກທ່ອງທ່ຽວ ສ່ວນເກາະຂະໜາດນ້ອຍອື່ນໆ ບາງເກາະກໍ່ມີຊາຍຮາດທີ່ສວຍງາມທີ່ນັກທ່ອງ ທ່ຽວນິຍົມໄປຢ້ຽມຊົມ ບາງເກາະເປັນທີ່ຕັ້ງຂອງໝູ່ບ້ານຊາວປະມົງ ແລະ ບາງເກາະຍັງເປັນຖິ່ນອາໄສຂອງສັດຫຼາຍຊະນິດເຊັ່ນ: ໄກ່ປ່າ, ລິງ ແລະ ກິ່ງກ່າ ຫຼາຍຊະນິດ ເກາະເຫຼົ່ານີ້ມັກຈະໄດ້ຮັບການຕັ້ງຊື່ຈາກຮູບຮ່າງລັກສະນະທີ່ແປກຕາເຊັ່ນ: ເກາະຊ້າງ (Voi Islet) ເກາະໄກ່ຕີ (Ga Choi Islet) ເກາະ ຫຼັງຄາ (Mai Nha Islet) ເປັນຕົ້ນ. ພາບຈາກ: peru ຕາມຕຳນານພື້ນບ້ານໄດ້ກ່າວໄວ້ວ່າໃນອະດີດດົນນານມາແລ້ວລະຫວ່າງທີ່ຊາວຫວຽດນາມກຳລັງຕໍ່ສູ້ກັບກອງທັບຊາວຈີນຜູ້ຮຸກຮານເທບ ພະເຈົ້າໄດ້ສົ່ງກອງ ທັບມັງກອນລົງມາຊ່ວຍປົກປ້ອງແຜ່ນດິນຫວຽດນາມ ມັງກອນເຫຼົ່ານີ້ໄດ້ມຸດລົງສູ່ທ້ອງທະເລບໍລິເວນທີ່ເປັນອ່າວຮາລ໋ອງ ໃນປັດຈຸບັນ ເຮັດໃຫ້ມີອັນຍະມະນີ ແລະ ຍົກຟົ້ງກະຈາຍອອກ ອັນຍະມະນີເຫຼົ່ານີ້ກາຍເປັນເກາະແກ້ງນ້ອຍໃຫຍ່ກະຈາຍຢູ່ທົ່ວອ່າວ ເປັນເກາະ ປ້ອງກັນຜູ້ຮຸກຮານ ເຮັດໃຫ້ຊາວຫວຽດນາມປົກປ້ອງແຜ່ນ ດິນຂອງພວກເຂົາໄດ້ສຳເລັດ ແລະກໍ່ຕັ້ງປະເທດເຊິ່ງຕໍ່ມາກໍ່ຄືຫວຽດນາມ ໃນປັດຈຸບັນ ບາງຕຳນານສະໄຫມໃຫມ່ກໍ່ກ່າວໄວ້ວ່າ ປະຈຸບັນຍັງມີສັດໃນຕຳນານທີ່ ຊື່ວ່າ: Tarasque ອາໄສຢູ່ທີ່ກົ້ນອ່າວ. ພາບຈາກ: fansshare ອ່າວຮາລ໋ອງໄດ້ຮັບການໄດ້ຮັບການລົງທະບຽນເປັນມໍລະດົກໂລກໃນການປະຊຸມຄະນະກຳມະການມໍລະດົກໂລກສະໄໝສາມັນຄັ້ງທີ່ 18 ເມື່ອ ວັນທີ່ 17 ທັນວາ 2015 ທີ່ພູເກັດ ປະເທດໄທ ດ້ວຍຂໍກໍານົດ ແລະ ຫຼັກເກນໃນການພິຈາລະນາດັ່ງນີ້: (vii) ເປັນຕົວຢ່າງທີ່້ເດັ່ນຊັດຂອງການເປັນຕົວແທນໃນວິວັດທະນາການສຳຄັນຕ່າງໆໃນອະດີດຂອງໂລກເຊັ່ນ ຍຸກສັດເລືອຄານ, ຍຸກນ້ຳແຂງ ເຊິ່ງສະທ້ອນໃຫ້ເຫັນເຖິງການພັດທະນາຄວາມຫຼາກຫຼາຍທາງທຳມະຊາດເທິງພື້ນໂລກ. (ix) ເປັນແຫຼ່ງທີ່ເກີດຈາກປາກົດການທາງທຳມະຊາດທີ່ມີເອກະລັກຫາຍາກ ຫຼື ສວຍງາມເປັນພິເສດເຊັ່ນ ແມ່ນ້ຳ, ນ້ຳຕົກ, ພູເຂົາ. ທີ່ມາ: Wikipedia ມ່ວນ ແລະ ມັກຫົວຂໍ້ນີ້ບໍ? ມ່ວນ ແລະ ມັກຫຼາຍ ມ່ວນ ທຳມະດາ ບໍ່ມັກເລີຍ


"ສະບາຍດີອາຊຽນ" ບ້ານ ໂພນຕ້ອງສະຫວາດ, ເມືອງຈັນທະບູລີ, ນະຄອນຫຼວງ ຕິດຕໍ່ ແລະ ສົນໃຈລົງໂຄສະນາກັບພວກເຮົາໄດ້ທີ່ ໂທ: +856 2028038267 ອີເມວ: sabaideeasean@gmail.com www.sabaideeAsean.com © 2016 ຂໍສະຫງວນລິຂະສິດ ຕິດຕາມພວກເຮົາໄດ້ທີ່: