.png) |
|||
|---|---|---|---|
| Ads | |||
ມັດສະຢິດສຸລະຕ່ານ ໂອມາ ອາລີ ໄຊຟຸດດິນ ທີ່ບຣູໄນ |
|||
|
ສຸກ, ວັນທີ 10 ມິຖຸນາ 2016, ເວລາ 11:20 ເຊົ້າ  ມັດສະຢິດສຸລະຕ່ານ ໂອມາ ອາລີ ໄຊຟຸດດິນ (Sultan Omar Ali Saifuddien Mosque) ເປັນມັດສະຢິດໃຈກາງເມືອງຫຼວງ ບັນດາເສລີ ເບກາວັນ ສຳລັບຊື່ຂອງມັດສະຢິດນັ້ນຕັ້ງຂຶ້ນເພື່ອເປັນກຽດແກ່ສຸລະຕ່ານ ໂອມາ ອາລີ ໄຊຟຸດດິນ ເຊິ່ງເປັນພະລາຊາອົງທີ 28 ຂອງບຣູໄນ. ຕັ້ງຢູ່ຕິດກັບ ແມ່ນໍ້າບຣູໄນ, ມີສະຖາປັດຕະຍະກຳທີ່ໂດດເດັ່ນ ແລະ ສວຍງາມຫຼາຍທີ່ສຸດແຫ່ງໜຶ່ງຂອງໂລກ ພາຍນອກມີສັນຍາລັກທີ່ເດັ່ນຊັດຄື ໂດມທອງຄຳທີ່ຕັ້ງສະ ຫງ່າຢູ່ເທິງຍອດສູງສຸດຂອງມັດສະຢິດ, ຫໍອະຊັນຫີນອ່ອນ, ພາຍໃນມັດສະຢິດປະດັບປະດາດ້ວຍຫີນອ່ອນ ແລະ ກະເບື້ອງສີຢ່າງຮຽບງ່າຍ ເຊິ່ງເໝາະສົມສຳ ລັບສະຖາທີ່ການສວດມົນຂໍພອນ ແລະ ຍັງໃຊ້ເປັນເວທີປະກວດການອ່ານຄຳພີອັນກຸຣະອ່ານ.  ງານສະຖາປັດຕະຍະກຳແຫ່ງມັດສະຢິດແຫ່ງນີ້ເປັນການປະສົມປະສານລະຫວ່າງສະຖາປັດຕະຍະກຳແບບອິດສະລາມ ກັບ ສະຖາປັດຕະຍະກຳ ແບບອີຕາລີ ໄດ້ຮັບການຂະໜານນາມວ່າ “ມິນິ ທັຊມາຮາລ” ເຊິ່ງອອກແບບໂດຍ Gavalierre Rudolfo Nolli ຊາວອີຕາລີ, ບໍລິເວນດ້ານໜ້າຂອງ ມັດສະຢິດ ເປັນທະເລສາບຂະໜາດໃຫຍ່, ມີການຈຳລອງເຮືອແບບພະລາຊາພິທີມາປະດັບປະດາ ເຊິ່ງຖືເປັນຈຸດເດັ່ນຢ່າງໜຶ່ງ, ສະພາບແວດລ້ອມຂອງ ມັດສະຢິດແຫ່ງນີ້ ພາຍນອກອ້ອມຮອບໄປດ້ວຍພັນໄມ້ນານາຊະນິດ ເຊິ່ງເປັນສັນຍາລັກທີ່ສະແດງເຖິງດິນແດນຂອງສະຫວັນ, ມີຂົວຂ້າມແມ່ນໍ້າຈາກ ມັດສະຢິດໄປຮອດໝູ່ບ້ານນໍ້າ ກຳປົງ ອາເຢີ.  ມັດສະຢິດແຫ່ງນີ້ເປັນສູນລວມສັດທາຂອງຊາວມຸດສະລິມໃນປະເທດບຣູໄນ ເຊິ່ງຈະເຂົ້າມາປະກອບພິທີກຳທາງສາສະໜາ ແລະ ໃນເດືອນສຳ ຄັນຂອງການປະຕິບັດຕາມຫຼັກຄຳສອນຂອງສາສະໜາທີ່ຈະໃຫ້ຜູ້ທີ່ເປັນມຸດສະລິມທຸກຄົນ ເຂົ້າໃຈເຖິງຄວາມອົດຢາກຂອງຜູ້ອື່ນ ຈຶ່ງໃຫ້ຊາວມຸດສະ ລິມຖືສິນອົດຄື: ງົດການກິນອາຫານໃນຊ່ວງຕາເວັນຂຶ້ນ ຈົນກະທັ່ງຕາເວັນຕົກແລງ ແລະ ບໍ່ກ່ຽວຂ້ອງກັບອະບາຍຍະມຸກໃດໆ, ຊາວມຸດສະລິມໃນປະ ເທດບຮູໄນຈະໃຫ້ຄວາມສຳຄັນກັບປະເພນີທາງສາສະໜານີ້ ເຮັດໃຫ້ມັດສະຢິດສຸລະຕ່ານ ໂອມາ ອາລີ ໄຊຟຸດດິນ ເຕັມໄປດ້ວຍຜູ້ຄົນທີ່ມາປະຕິບັດ ສາສະນະກິດໃນຊ່ວງສິນອົດຢ່າງໜາແໜ້ນ, ກ່າວໄດ້ວ່າ ມັດສະຢິດສຸລະຕ່ານ ໂອມາ ອາລີ ໄຊຟຸດດິນ ເປັນສູນລວມຈິດວິນຍານຂອງຊາວມຸດສະ ລິມປະເທດບຣູໄນ. ທີ່ມາ: bt
|
|||
 |
|||
"ສະບາຍດີອາຊຽນ" |
|||
